દરેક વ્યક્તિને જીવનમાં ક્યારેક તો મુશ્કેલીનો સામનો જરૂર કરવો પડતો હોય છે. જો કે આ વાત પણ સાચી છે કે, દરેક વ્યક્તિ પોતાના હિસાબે સંકટનો સામનો કરે છે. જે પૈકી કેટલાક લોકો સરળતાથી પડકારનો સામનો કરે છે, તો કેટલાક લોકો મુશ્કેલીમાં ગભરાઈ જાય છે. જે લોકો સંકટનો સામનો કરવામાં પોતાને અસમર્થ સમજતા હોય, તેમના માટે આચાર્ય ચાણક્યની કેટલીક વાતો જાણવી ખૂબ જ જરૂરી છે.
ચોક્કસ રણનીતિ બનાવો
કોઈ વ્યક્તિ જ્યારે સંકટમાં ઘેરાય, તો તેણે એક ચોક્કસ રણનીતિ બનાવવાની જરૂરિયાત હોય છે, કારણ કે જો તમારી પાસે સંકટમાંથી બહાર નીકળવાની રણનીતિ તૈયાર હશે, તો તમે તે સંકટમાંથી સરળતાથી બહાર નીકળી શકો છો. આ સાથે વ્યક્તિએ તબક્કાવાર કાર્ય કરવું પડે છે.
તકલીફ માટે પહેલાથી તૈયાર રહો
આચાર્ય ચાણક્ય અનુસાર, જ્યારે કોઈ વ્યક્તિ પર તકલીફ આવી પડે, તો તેણે ખૂબ જ સાવધાન થઈ જવાની જરૂર છે. કારણકે સંકટના સમયે તેમની પાસે યોગ્ય અવસર અને પુરતી તક નથી હોતી. આથી તમારે તમારી જાતને પહેલાથી તૈયાર રાખવી જોઈએ, કારણ કે નાની અમથી ભૂલ તમને મોટું નુક્સાન પહોંચાડી શકે છે. આથી પહેલાથી સાવધાન રહેવું ખૂબ જ જરૂરી છે.
ધીરજથી કામ લો
ચાણક્ય નીતિ અનુસાર, કોઈ પણ વ્યક્તિએ વિપરિત સંજોગોમાં પણ ક્યારેય ધીરજ ના ગુમાવવી જોઈએ અને કાયમ સમજી વિચારીને પગલા લેવા જોઈએ. સૌથી ખાસ વાત ગમે તેવી સ્થિતિ હોય, પરંતુ ધીરજ ના ગુમાવો અને મને શાંત રાખીને સારો સમય આવવાની રાહ જુઓ.
પરિવારના સભ્યોની સુરક્ષા
સંકટના સમયે પરિવાર પ્રત્યે જવાબદારી નીભાવવી વ્યક્તિનું પ્રથમ કર્તવ્ય હોવું જોઈએ. આથી જ્યારે પણ પરિસ્થિતિ વિપરિત હોય, સૌ પ્રથમ પોતાના પરિવારના સભ્યોની સુરક્ષાનું વિશેષ ધ્યાન રાખો. સંકટના સમયે પોતાના પરિવારજનોને સાથ આપવો જોઈએ.
પૈસાની બચત કરો
વ્યક્તિએ કાયમ પૈસાની બચત કરવી જોઈએ. એવું કહેવાય છે કે, સંકટના સમયે તમારો સૌથી મોટો સાથી પૈસા જ હોય છે. જે વ્યક્તિ પાસે સંકટના સમયે પૈસાની તંદી હોય, તેના માટે સંકટમાંથી ઉગરવું ઘણું મુશ્કેલ થઈ પડે છે.
(નોંધ: અહીં આપવામાં આવેલી માહિતી ધાર્મિક માન્યતાઓ અને જાહેર માન્યતાઓ પર આધારિત છે, તેના માટે કોઈ વૈજ્ઞાનિક પુરાવા નથી. સામાન્ય જનતાના હિતને ધ્યાનમાં રાખીને અહીં રજૂ કરવામાં આવી છે.)