જ્યોતિષ શાસ્ત્ર અનુસાર અઠવાડિયામાં અમુક દિવસ નખ કાપવા એ શુભ માનવામાં આવતા નથી. એવું કહેવાય છે કે આ દિવસોમાં નખ કાપવાથી ઘરમાં ગરીબી આવે છે. બીજી તરફ, અઠવાડિયાના કેટલાક દિવસોમાં નખ કાપવાથી ધનલાભ, કરિયરમાં પ્રગતિની સાથે ઘણા ફાયદા થાય છે. આવો જાણીએ કયા દિવસે નખ કાપવા શુભ છે અને કયા દિવસે અશુભ.
ઘણીવાર આપણે સાંભળીએ છીએ કે રાત્રે નખ ન કાપવા જોઈએ. ઘણી વખત વડીલો આપણને મંગળવાર, ગુરુવાર અને શનિવારે પણ નખ કાપવાની મનાઈ કરે છે. પરંતુ શું તમે જાણો છો કે આ દિવસોમાં નખ કેમ ન કાપવા જોઈએ? નખ કાપવા અંગેના કેટલાક નિયમો જ્યોતિષમાં જણાવવામા આવ્યા છે. કહેવાય છે કે સાંજના સમયે નખ ન કાપવા જોઈએ, તેના કારણે માતા લક્ષ્મી ક્રોધિત થાય છે અને ઘરમાં ગરીબી આવે છે. જાણો કયા દિવસે નખ કાપવા શુભ અને કયા દિવસે અશુભ માનવામાં આવે છે.
આ દિવસે નખ કાપવા શુભ છે
– જ્યોતિષ શાસ્ત્ર અનુસાર સપ્તાહનો દરેક દિવસ એક યા બીજા ગ્રહનો કારક હોય છે. શાસ્ત્રોમાં ગુરુવાર, શનિવાર અને મંગળવારના દિવસે નખ કાપવાની મનાઈ છે. આ દિવસે નખ કાપવાથી મંગળ, ગુરુ અને શનિનો અશુભ પ્રભાવ પડે છે.
– શાસ્ત્રોમાં સાંજ અને રાત્રે પણ નખ કાપવાની મનાઈ છે. એવું કહેવાય છે કે સૂર્યાસ્ત પછી અથવા રાત્રે નખ કાપવાથી દેવી લક્ષ્મી ક્રોધિત થાય છે અને તે ઘરમાં હંમેશા પૈસા સંબંધિત સમસ્યા રહે છે.
– શાસ્ત્રો અનુસાર સોમવાર, બુધવાર, શુક્રવાર અને રવિવારે નખ કાપવા શુભ માનવામાં આવે છે. સોમવારે નખ કાપવાથી તમોગુણ ઘટે છે. બુધવારે નખ કાપવાથી કરિયરમાં પ્રગતિ થાય છે. શુક્રવારે નખ કાપવાથી ધનલાભ થાય છે. બીજી તરફ રવિવારે નખ કાપવા પણ શુભ માનવામાં આવે છે. આ દિવસે નખ કાપવાથી આર્થિક સ્થિતિમાં સુધારો થાય છે.
ધ્યાનમાં રાખો
– જ્યોતિષ શાસ્ત્ર અનુસાર વ્યક્તિના નખ અને વાળ શનિ ગ્રહ સાથે સંબંધિત માનવામાં આવે છે. એવું કહેવાય છે કે જે વ્યક્તિ પોતાના નખ અને વાળ સાફ નથી રાખતા, શનિ તેના પર ગુસ્સે થઈ જાય છે અને તેને ઘણું દુઃખ આપે છે. આવી વ્યક્તિને જીવનમાં ગરીબીનો પણ સામનો કરવો પડે છે.
(નોંધ: અહ્યા અપાયેલી માહિતી ધાર્મિક અને લોક માન્યતા પર આધારિત છે. આનું કોઈ વૈજ્ઞાનિક પુરાવો નાં હોઈ સકે. સામાન્ય હિત અને માહિતી ને ધ્યાન માં રાખીને અહ્યાં આ માહિતી ને અમે પ્રસ્તુત કરી રહ્યા છીએ.)
