દાન અને પુણ્ય કરવું સનાતન ધર્મ ખુબ શુભ માનવામાં આવે છે. પરંતુ રસોઈ ઘરમાં કેટલીક વસ્તુ હોય છે, જેનું ભૂલથી પણ મનુષ્યને દાન ન કરવું જોઈએ. આ વસ્તુનું દાન મનુષ્યને કંગાળ બનાવી શકે છે. આપણા બધાના ઘરમાં રસોઈને મુખ્ય ભાગ માનવામાં આવે છે. અહીં દેવી અન્નપૂર્ણાના વાસ હોય છે. જો રસોઈમાં બરકત બનાવવા માંગો છો તો વાસ્તુ શાસ્ત્રમાં જણાવવામાં આવેલા કેટલાક એવા કામ છે, જેને કરવાથી બચવું જોઈએ. ભોપાલના નિવાસી જ્યોતિષી તેમજ વાસ્તુ સલાહકાર પંડિત હિતેન્દ્ર કુમાર શર્મા જણાવી રહ્યા છે રસોઈ ઘરથી કઈ એવી વસ્તુ છે જેનું દાન કરવાથી બચવું જોઈએ.
હળદર
ઔષધીય ગુણોથી ભરપૂર હળદર આપણા ભોજનને રંગ તો આપે જ છે પરંતુ તેમાં જોવા મળતું એન્ટિબાયોટિક તત્વ આપણા શરીર માટે ખૂબ જ ફાયદાકારક છે. જ્યોતિષની વાત કરીએ તો તે દેવગુરુ બૃહસ્પતિ સાથે સંબંધિત માનવામાં આવે છે. જો તમારા ઘરમાં હળદર ખતમ થઇ જાય તો તેને ગુરુ દોષનો પણ સંકેત માનવામાં આવે છે. જો ઘરમાં ગુરુ દોષ હોય તો ધનહાનિ શરૂ થાય છે. હળદર ન હોવાના કારણે કારકિર્દીમાં મળેલી સફળતા નિષ્ફળતામાં ફેરવાઈ શકે છે, તેથી ન તો કોઈ પાસે હળદર લેવી જોઈએ અને ભૂલથી પણ કોઈને હળદર આપવી જોઈએ નહીં.
ચોખા
જ્યોતિષ શાસ્ત્ર અનુસાર ચોખા શુક્ર ગ્રહ સાથે સંબંધિત માનવામાં આવે છે. જો તમારા ઘરમાં ચોખા ખતમ થઈ ગયા છે, તો તે જણાવે છે કે તમારા ઘર પર કોઈ ખરાબ અસર છે, જેના કારણે પતિ-પત્ની વચ્ચે ઝઘડો થવા લાગે છે. વિવાહિત જીવનમાં મતભેદ આવવા લાગે છે. રસોડામાંથી ચોખા ક્યારેય ખતમ ન ન થાય એવો પ્રયાસ કરો. આ સિવાય ચોખાનું દાન ત્યારે જ શ્રેષ્ઠ છે જ્યારે તમારી પાસે પુષ્કળ ચોખા હોય.
મીઠું
વાસ્તુશાસ્ત્ર અનુસાર રસોડામાંથી મીઠું ક્યારેય ખતમ ન થવું જોઈએ. જો મીઠું ખતમ થઈ જાય તો અશુભ ગ્રહ રાહુની દ્રષ્ટિ તમારા પર પડવા લાગે છે. તમારા જીવનમાં અનેક પ્રકારની સમસ્યાઓ આવવા લાગે છે, કારણ કે જ્યોતિષમાં મીઠાને રાહુનું દ્રવ્ય માનવામાં આવે છે. આ સિવાય ભૂલથી મીઠું દાન ન કરવું જોઈએ અને ન તો કોઈ પાસેથી ઉધાર લેવું જોઈએ.
સરસવનું તેલ
જ્યોતિષ શાસ્ત્ર અનુસાર સરસવનું તેલ શનિ ગ્રહ સાથે સંબંધિત માનવામાં આવે છે. વાસ્તુશાસ્ત્રમાં કહેવામાં આવ્યું છે કે રસોડામાંથી ક્યારેય પણ સરસવનું તેલ ખતમ ન થવું જોઈએ. જો રસોડામાં સરસવનું તેલ ખતમ થઈ જાય તો શનિદેવનો પ્રકોપ વધી શકે છે, જેથી તેલ ખતમ થાય તે પહેલા તેને ફરી ભરી લેવું જોઈએ. આ સિવાય મંગળવાર અને શનિવારે ઘરે સરસવનું તેલ ન લાવવું જોઈએ અને ન તો આ બે દિવસે સરસવના તેલનું દાન કરવું જોઈએ.
(નોંધ: અહ્યા અપાયેલી માહિતી ધાર્મિક અને લોક માન્યતા પર આધારિત છે. આનું કોઈ વૈજ્ઞાનિક પુરાવો નાં હોઈ સકે. સામાન્ય હિત અને માહિતી ને ધ્યાન માં રાખીને અહ્યાં આ માહિતી ને અમે પ્રસ્તુત કરી રહ્યા છીએ.)
