Homeધાર્મિકપતિ-પત્ની વચ્ચેના ઝઘડા બંધ...

પતિ-પત્ની વચ્ચેના ઝઘડા બંધ જ નથી થઈ રહ્યા? લગ્નમાં મધુરતા લાવશે આ સરળ ઉપાય!

કહે છે કે એકવાર જો દાંપત્યજીવનમાં કલેશ પ્રવેશ કરી લે, તો તે આજીવન એક કાંટાની જેમ જ ભોંકાતો રહે છે ! તમારા ન ઈચ્છવા છતા પણ સતત આવું બનતું જ રહે છે. પતિ-પત્ની વચ્ચે વિવાદ સર્જાય છે અને કેટલીકવાર આ વિવાદ એટલો વધી જાય છે કે મારામારી અને છૂટાછેડા સુધી વાત આગળ વધી જાય છે. જો તમે પણ આવી જ સમસ્યાથી ઘેરાયેલા હોવ તો આ સંજોગોમાં દાંપત્યજીવનને સુખમય બનાવવા કેટલાંક ઉપાયો અજમાવવા ખૂબ જ જરૂરી બની જાય છે.

આવો, આજે કેટલાંક આવાં જ ઉપાયો વિશે જાણીએ કે જે આપના જીવનને મધુરતાથી પરિપૂર્ણ કરી દેશે.

શું સતત લાગે છે માઠું ?

જો પતિ-પત્નીની વચ્ચે પ્રેમ અને સામંજસ્યનો અભાવ હોય, પતિ કે પત્નીને એકબીજાની વાતનું ખરાબ કે માઠું લાગતું હોય અથવા તો બંનેના વિચારો એકબીજાથી વિપરિત હોય તો દંપતીએ પૂર્ણિમાનું વ્રત કરવું જોઇએ. આસ્થા પૂર્વક વ્રત કરી સાંજના સમયે ચંદ્ર દેવતાને દંપતીએ એકસાથે જ દૂધથી અર્ઘ્ય અર્પણ કરવું જોઈએ. માન્યતા અનુસાર આ ઉપાય પતિ-પત્નીના સંબંધોમાં સર્વ પ્રથમ તો શાંતિ સ્થાપવાનું કાર્ય કરશે.

શું બંન્નેની પ્રકૃતિ ઉગ્ર છે ?

જો પતિ અને પત્ની બંન્ને ગુસ્સાવાળી પ્રકૃતિ ધરાવતા હોય અને નિત્ય તેમની વચ્ચે ઝઘડા થતા હોય તો તેમણે સૌથી પહેલા તો ધીરજ રાખતા શીખવું પડશે. ત્યારબાદ નિત્ય નીચે જણાવેલ મંત્રનો 108 વખત જપ કરવો જોઈએ. માન્યતા અનુસાર આ ઉપાય આપના દાંપત્યજીવનમાં ચમત્કારિક બદલાવ લાવશે.

સર્વમંગલ માંગલ્યે શિવે સર્વાર્થ સાધિકે ।

શરણ્યેત્ર્યંબકે ગૌરી નારાયણી નમોસ્તુ તે ।।

તીક્ષ્‍ણ વસ્તુઓનો ઉપયોગ નહીં !

વાસ્તુશાસ્ત્ર અનુસાર જો તમે દાંપત્યજીવનના કલેશથી બચવા માંગો છો, તો ભૂલથી પણ ઘરમાં કાંટાળા કે દૂધ નીકળે એવા ફૂલ-છોડ કે વૃક્ષ ન લગાવો. આપના ઘરના મુખ્ય પ્રવેશદ્વાર પર તલવાર, ભાલા, તીર, ચાકુ કે પછી કોઇપણ અણીદાર વસ્તુ પણ ન લગાવવી જોઈએ. જો તમે આ બધી વસ્તુઓને નજરઅંદાજ કરશો તો આ વસ્તુઓની ઊર્જાને લીધે પતિ-પત્ની નાની નાની વાતોમાં ગુસ્સે થઇ જશે અને તેનાથી તેમના સંબંધો પણ વણસી જશે.

સુખી દાંપત્યજીવન અર્થે

દાંપત્યજીવનને સુખમય બનાવવા માટે પતિ કે પત્નીએ દર સોમવારે “ૐ નમઃ શિવાય” મંત્રની 11 માળાનો પાઠ કરવો જોઈએ. તેમજ ભગવાન શિવને 54 બીલીપત્ર અર્પણ કરવા જોઈએ. જો પતિ-પત્ની બંન્ને એકસાથે આ કાર્ય કરી શકે તો તે સર્વોત્તમ રહેશે. પરંતુ, જો તેમ ન થઈ શકે તો બંન્નેમાંથી કોઈ એક વ્યક્તિએ તો જરૂરથી આ કાર્ય કરવું.

સોમવારનું વ્રત

પતિ-પત્ની વચ્ચે સતત કલેશ રહેતો હોય તો તેમાં શાંતિ અને સુખનું આગમન થાય તે માટે પત્નીએ દર સોમવારે વ્રત રાખવું જોઈએ. આ દિવસે ગૌરી-શંકરની આરાધના કરવી, તેમજ ઉપવાસ શક્ય ન હોય તો એકટાણું પણ કરી શકાય. સોમવારે સફેદ વસ્તુનું દાન કરવું પણ આપના માટે સવિશેષ લાભદાયી બની રહેશે.

દાંપત્યજીવનમાં મીઠાશ

દાંપત્યજીવનમાં મધુરતા કે મીઠાશ આવે તે માટે પત્નીએ આ ઉપાય કરવો. સૂર્યાસ્ત બાદ આછા પીળા કે ગુલાબી રંગના વસ્ત્ર ધારણ કરવા તથા સૂતા સમયે એક સંકલ્પ કરવો કે “અમારા દાંપત્યજીવનમાં કોઇપણ પ્રકારનો કલેશ ન જોવા મળે અને સ્નેહમાં વૃદ્ધિ થાય.” માન્યતા અનુસાર આ સંકલ્પની શક્તિ ધીમે ધીમે દંપતીના જીવનમાંથી કલેશને દૂર કરશે. અને તેમના જીવનમાં મધુરતાનું આગમન થશે.

(નોંધ: અહીં આપવામાં આવેલી જાણકારી ધાર્મિક આસ્થાઓ અને લોક માન્યતાઓ પર આધારિત છે, જેનો કોઈ વૈજ્ઞાનિક આધાર નથી. સામાન્ય જનરૂચિને ધ્યાનમાં રાખીને આ લેખને અહીં પ્રસ્તુત કરવામાં આવ્યો છે.)

Most Popular

More from Author

પત્ની : કોણ છે? 😅😝😂😜🤣🤪

છોકરી- હું પડોસીથી પ્રેમ કરું છું અનેતેની જોડે ભાગી રહી છું!!પિતા-...

ભૂલક્કડ સાહેબ 😅😝😂😜🤣🤪

ટપ્પુ : અલ્યા,આજે મેં એક અફલાતૂન વાત વાંચી.જેને ચાળીસ વર્ષ સુધી...

હવે કબ્રસ્તાન.😅😝😂😜🤣🤪

દાદીમાને ગીતા વાંચતા જોઈનેપૌત્રે માતાને પૂછ્યું, મમ્મી,દાદી કઈ પરીક્ષાની તૈયારી કરી રહ્યા...

ચા માં પડેલા બિસ્કિટ😝😂

એક કવીઝ શો માંમને 5 કરોડનો પ્રશ્ન પૂછવામાં આવ્યો હતો કે, તમારી...

Read Now

પત્ની : કોણ છે? 😅😝😂😜🤣🤪

છોકરી- હું પડોસીથી પ્રેમ કરું છું અનેતેની જોડે ભાગી રહી છું!!પિતા- સારું છેમારા પૈસા અને સમય બન્ને બચી જશે…જા જા…છોકરી- હું મમ્મી જે ચિઠ્ઠી મૂકી ગઇ છેને તે વાંચી રહી છું…!!!😅😝🤣😂🤪 એક દારૂડિયો દારૂ પીને મોડી રાતે ઘરે પરત ફર્યોતેને ખબર કેતેની પત્ની આવી સ્થિતીમાં દરવાજો નહીં ખોલે.તેણે...

ઉજ્જૈનના મહાકાલેશ્વર મંદિરની રસપ્રદ પૌરાણિક કથા

મુખ્ય 12 જ્યોતિર્લિંગોમાંના એક મહાકાલ જ્યોતિર્લિંગનો ઇતિહાસ અને પૌરાણિક કથા શું છે? અહીં શિવલિંગ ક્યારે સ્થાપિત થયું, કોણે સ્થાપ્યું અને બાબા મહાકાલેશ્વરની શું કથા છે.ભગવાન મહાકાલેશ્વર ઉજ્જૈનમાં રાજાધિરાજ તરીકે બિરાજમાન છે. ઉજ્જૈનમાં ભગવાન મહાકાલેશ્વરની સ્થાપના ક્યારે, કેમ અને કેવી રીતે થઈ, જાણો રાજા ચંદ્રસેનની કથા. કેવી રીતે...

ભૂલક્કડ સાહેબ 😅😝😂😜🤣🤪

ટપ્પુ : અલ્યા,આજે મેં એક અફલાતૂન વાત વાંચી.જેને ચાળીસ વર્ષ સુધી વાંચતા લખતા નહોતુંઆવડતું એ માણસ સ્ત્રીને કારણેબે વર્ષમાં પ્રોફેસર બની ગયો.પપ્પુ – એમાં શું મોટી વાત?હું એવા માણસને ઓળખું છું જે 40 વર્ષનીઉંમરે પ્રોફેસર હતો અને એક સ્ત્રીને મળીનેબે જ દિવસમાં મુર્ખ બની ગયો.😅😝😂😜🤣🤪 એક સાહેબ ખૂબ...