વિશાખાપટ્ટનમમાં ઈંગ્લેન્ડ સામે ચાલી રહેલી બીજી ટેસ્ટના બીજા દિવસે ફાસ્ટ બોલર જસપ્રિત બુમરાહે વર્ચસ્વ જમાવ્યું હતું . બુમરાહે ઇંગ્લેન્ડની પ્રથમ ઇનિંગમાં છ વિકેટ ઝડપી હતી. તેની તીક્ષ્ણ બોલિંગને કારણે ભારતે ઈંગ્લેન્ડને 253 રનમાં આઉટ કરી દીધું અને પ્રથમ દાવમાં 142 રનની વિશાળ લીડ મેળવી.
ભૂતપૂર્વ ભારતીય કેપ્ટન સૌરવ ગાંગુલી પણ બુમરાહની દમદાર બોલિંગથી પ્રભાવિત છે.
સૌરવ ગાંગુલીએ ભારતની ઝડપી બોલિંગના વખાણ કર્યા અને BCCIને એક સલાહ પણ આપી. ગાંગુલીનું માનવું હતું કે ફાસ્ટ બોલરો આટલું સારું પ્રદર્શન કરતા હોવાથી સ્પિનને સપોર્ટ કરતી પીચો બનાવવાની જરૂર નથી. આ સંદર્ભે તેણે X (Twitter) પર એક પોસ્ટ પણ શેર કરી છે.
@150 વિકેટ
આ દરમિયાન વિશાખાપટ્ટનમ ટેસ્ટમાં પ્રથમ દાવમાં 6 વિકેટ લેનાર બુમરાહે ટેસ્ટ ક્રિકેટમાં 150 વિકેટનો માઈલસ્ટોન પણ પાર કર્યો હતો. બુહરાએ 6781 બોલમાં આ અંતર પૂરું કર્યું હતું. તેણે ઉમેશ યાદવનો રેકોર્ડ તોડ્યો. ઉમેશ યાદવે આટલી વિકેટ લેવા માટે 7661 બોલ નાખવા પડ્યા હતા.