સ્કિનની કેર રૂટિનમાં કરવી ખૂબ જરૂરી છે. સ્કિનની કેર તમે પ્રોપર રીતે કરતા નથી તો ડેમેજ થવા લાગે છે અને સાથે ઉંમરની અસર જલદી દેખાય છે. આમ, વાત કરવામાં આવે તો તમારી રૂટિનની કેટલીક આદતો તમારા ફેસને અને સ્કિનને અંદરથી ખરાબ કરવાનું કામ કરે છે. જો કે આ આદતોને સામાન્ય રીતે મોટાભાગના લોકો ઇગ્નોર કરતા હોય છે, પરંતુ તમે આ ખરાબ ટેવોને આજથી બદલી નાખશો તો તમારી સ્કિન મસ્ત રહેશે.
આ ટેવથી તમારા ફેસ પર કરચલીઓ જલદી પડી જાય છે અને સાથે કાળા ડાઘ પણ પડવા લાગે છે. તો જાણો રૂટિનની આ આદતો વિશે જે તમારા ચહેરાને ખરાબ કરવાનું કામ કરે છે.
રૂટિનની આ આદતો બદલો
ઓવરહીટ બની શકે છે સમસ્યા
ઓવરહીટથી તમારા ફેસ પર ઝડપથી કરચલીઓ પડવા લાગે છે. આ માટે ક્યારેય પણ ડાયરેક્ટ ગરમીના સંપર્કમાં આવશો નહીં. આ તમારી સ્કિનને અનેક રીતે ડેમેજ કરવાનું કામ કરે છે.
સ્મોકિંગ છોડી દો
સ્મોકિંગ કરવાથી તમારી સ્કિન એકદમ ખરાબ થઇ જાય છે. તમારા હોઠ પણ કાળા પડવા લાગે છે. સ્મોકિંગ સ્વાસ્થ્ય માટે હાનિકારક સાબિત થાય છે. સ્મોકિંગ તમારી ત્વચાને અંદરથી ડેમેજ કરવાનું કામ કરે છે. આમ તમે સ્મોકિંગ કરવાનું બંધ કરી દો છો તો સ્કિન આપોઆપ ગ્લો કરવા લાગશે અને સાથે તમારા હોઠ વધારે કાળા પણ નહીં પડે. આમ, તમને સ્મોકિંગ કરવાની આદત છે તો તમે આ ટેવને ધીરે-ધીરે કરીને છોડી દો જેથી કરીને તમારી સ્કિનને નુકસાન થાય નહીં. સ્મોકિંગ કરવાથી કેન્સર જેવી બીમારીનો શિકાર પણ તમે બની શકો છો.
પરફ્યૂમ અને ડિઓનો વધુ પ્રમાણમાં ઉપયોગ
કેટલાક લોકોને પરફ્યૂમ અને ડિઓ વગર ચાલતુ હોતુ નથી. વારંવાર પરફ્યૂમ અને ડિઓની આદત તમારી સ્કિનને ભારે પડી શકે છે. આનાથી તમારી સ્કિન પર ખંજવાળ તેમજ રેશિશની સમસ્યા થઇ શકે છે. આ માટે બને ત્યાં સુધી પરફ્યૂમ અને ડિઓનો ઉપયોગ ઓછો કરો.
ખોટી અને સસ્તી પ્રોડક્ટ્સનો ઉપયોગ કરશો નહીં
ક્યારેય પણ સ્કિન પર કોઇ અખતરા કરશો નહીં. હંમેશા ધ્યાન રાખો કે તમે જે પણ સ્કિનની પ્રોડકટ્સ યુઝ કરો છો એ સારી કંપનીની હોય. સસ્તી પ્રોડક્ટ્સ તમારી સ્કિનને નુકસાન કરવાનું કામ કરે છે.