- ગરમ તાસીરની મેથી ભૂખ વધારે છે
- પચવામાં હળવી અને હાર્ટ માટે લાભદાયી છે
- વાયુરોગ, ડાયાબિટીસ અને હાઈ બીપીના દર્દીને કરે છે મદદ
મેથી સ્વાદમાં કડવી અને તીખી, ગરમ, ભૂખ લગાડનાર, પચવામાં હળવી, હૃદય માટે હિતકારી અને ઝાડાને અટકાવનાર છે. તેને દવાની રીતે પણ ખાઇ શકાય છે. મેથીથી વાયુના રોગો થતા નથી, ડાયાબિટીસ અને લોહીનું ઊંચું દબાણ પણ થતું નથી.
શરીર સ્વસ્થ રહે છે શરીરની મેદસ્વિતા પણ નથી રહેતી. ડિલિવરીના સમયમાંથી પસાર થતી માતાને માટે અને સાંધાના દુખાવાની તકલીફમાં આ મેથીના લાડુ મદદ કરે છે. તે સ્વાદિષ્ટ અને ગુણકારી છે. તો આવો જાણીએ મેથીના લાડુ બનાવવાની સરળ રેસિપિ.
સામગ્રી
– 50 ગ્રામ મેથીના દાણા
– 150 ગ્રામ ઘઉંનો લોટ
– 250 ગ્રામ ગોળ
– 150 ગ્રામ દેશી ઘી
– 50 ગ્રામ બદામ
– 50 ગ્રામ ગુંદર
– 5-6 મરી, ઇલાયચી
– 1 નંગ જાયફળ
– 1 ઇંચ તજ
– 1 નાની ચમચી જીરું
– 1 નાની ચમચી સૂંઠનો પાવડર
– 1/4 લિટર દૂધ
બનાવવાની રીત
મેથીના દાણાને મિક્સરમાં પીસી લો. દૂધને ગરમ કરો અને તેમાં મેથી પાવડર નાંખો. તેને બે ત્રણ કલાક ઢાંકીને રાખો. જ્યારે તે ફૂલીને તૈયાર થાય ત્યારે તેને ખોલો. આ મિશ્રણને ઘીમાં શેકો. તે બ્રાઉન રંગનો થાય ત્યાં સુધી શેકો. તેને સતત નીચે સુધી વીસ મિનિટ સુધી હલાવતા રહો. તેમાંથી ઘી છૂટું પડે ત્યાં સુધી તેને શેકીને પ્લેટમાં કાઢો. હવે ગુંદરના નાના ટુકડા કરો અને તેને પણ શેકો. જાયફળને વાટી લો અને મરી, ઇલાયચી, તજ, જીરું, સૂંઠ પાવડરને મિક્સરમાં પાવડર બનાવો. એક બાઉલમાં કાઢો. બદામને પણ મિક્સરમાં પીસી લો. કડાઇમાં ઘી ગરમ કરો અને તેમાં ગુંદરને બ્રાઉન થાય ત્યાં સુધી તળો. તેને કાઢી લો. બચેલા ઘીમાં જરૂર જણાય તો વધારે ઘી ઉમેરીને લોટને શેકો. તેને એક પ્લેટમાં કાઢો.
હવે ગોળની ચાસણી બનાવવાની છે. આ માટે ઘી લો અને સાથે તેમાં ગોળ ઉમેરો. તેને મેલ્ટ થવા દો અને પા કપ પાણી ઉમેરો. ગુંદરને વેલણથી પીસી લો. તે કરકરો થશે. ગોળની ચાસણીને ગાળી લો. તેનાથી કચરો હશે તો નીકળી જશે. હવે ચાસણીને કડાઇમાં ઉમેરો અને વધારે ચઢવો. તેને ગેસ પરથી ઉતારી લો. તે થોડી ઠંડી થાય ત્યારે તેમાં બાકી ચીજો ઉમેરી દો. તેને સારી રીતે હલાવીને મિક્સ કરો. મિશ્રણને ઠંડુ થવા દો. તે ઘટ્ટ થાય પછી તેના લાડુ બનાવો. મીડિયમ સાઇઝના લાડુ તૈયાર કરો અને શિયાળામાં ઠંડીથી બચવા માટે તેનો ઉપયોગ કરો.